"Ano?!" mahina pero madiing nabigkas ni Ruby nang sabihin sa kanya ni Noel ang maitim nitong binabalak kay Gilbert.
"Sa tingin ko kasi ay mukhang nagdududa na siya sa 'tin. Pansinin mo kung paano siya makatingin!" seryosong sabi ni Noel at disidido na siya.
Napalinga si Ruby sa kinaroroonan ni Gilbert. Kasama ng binata sina Annie at Aliyah. Sila namam ni Noel ang magkasama at nag-uusap sa 'di kalayuan.
Napabuntong-hininga si Ruby dahil nakatingin nga sa kanila si Gilbert. Pailalim na tingin. May ibig sabihin na tingin.
"Kapag nalaman niyang kinakain natin si Rica malamang mapatay tayo niyan," saad pa ni Noel.
"Pero Noel, kaibigan natin siya!"
"So, what do you want? Tayo na lang ang manganib? Tayo ang mamatay pagkatapos nating isakripisyong kainin si Rica at Licienna para lang mabuhay
