"KUMUSTA ang tulog mo?"
Mabilis na napa-angat ng mukha si Isabella nang marinig iyon kay Travis. Diretso itong nakatingin sa kaniya habang mukhang naghihintay ng sagot.
"Ako?" pagkukumpirma pa ni Isabella dahil baka hindi siya ang tinatanong nito.
Marahang tumawa si Travis. "Of course. Tayo lang naman ang nandito, 'di ba?"
"Maayos naman ang tulog ko. Bakit mo nga pala natanong?" At muling nagpatuloy si Isabella sa pagkain ng kaniyang agahan.
Nasa labas si Irvan at kasama na naman nito ang lola nito sa tuhod. Ito na rin ang nagpapakain sa anak niya. Pinigilan niya pa ito ngunit ayaw nitong magpapigil kaya wala nang nagawa si Isabella kundi hayaan ito kahit nahihiya siya rito.
"Wala lang," nakangusong tugon ni Travis sa kaniya at parang nang-aasar na sinubo ang hotdog sa bibig nito. K
