"A-Ang sakit, Jodi. Hindi ko inasahan na magagawa iyon ni Travis sa akin. Ni hindi niya pinakinggan ang eksplanasyon ko. Gusto kong patunayan sa kaniya na hindi ako ang nasa video pero hindi niya ako hinayaan. Mas nanaig ang galit na nararamdaman niya sa kaniyang puso."
Humiwalay si Jodi sa kaniya at mataman siyang pinakatitigan sa kaniyang mga mata. "Naintindihan kita, Isabella. Alam kong masakit ang nararamdaman mo pero kailangan mong magpatuloy sa buhay. Iniwan ka na ni Travis, at hindi mo kailangang damdamin iyon habang-buhay. Tandaan mo, may anak ka pa. Kalimutan mo na lang ang nangyari nang gabing iyon. Isipin mo na hindi iyon nangyari. Na hindi napanood ni Travis iyong video. Isipin mo na masaya talaga siya sa Samantha na iyon. Hindi ba't naikuwento mo sa akin noong araw na bumalik
