"HINDI ako makapaniwala na nag-iisa ka lang po rito, Chef Jameson. Napakalaki nitong bahay para sa isang tao," komento ni Isabella habang nakatingin kay Jameson na abala sa pagluluto ng steak.
Kasalukuyan silang nasa kusina ng mga sandaling iyon. Nakaupo si Isabella sa upuan habang si Jameson naman ay nakatalikod dito at abala sa ginagawa.
May ngiti sa mga labing bumaling si Jameson kay Isabella. "Naghihintay lang ako ng tamang panahon para magkaroon na ako ng kasama rito."
"Kasama? Wala po ba kayong kapatid o kahit pamilya?"
"Meron naman. But they have their own house. Itong bahay na ito ay binili ko by my own money. Bumukod na ako sa kanila since gusto kong subukan ang maging malaya sa sarili."
"Naku, dapat mag-asawa ka na, Chef Jameson. Para puwede mo siyang makasama rito at dito n
