"MAY sakit ka ba, Isabella? Kanina ka pang tulala riyan. Nilamig na iyang pagkain sa harapan mo..." saad ni Yaya Lorie na nagpa-angat sa mukha ni Isabella rito.
"Wala po akong sakit, Yaya Lorie. M-May iniisip lang po ako. At isa pa po, wala po akong ganang kumain," tugon ni Isabella sa matanda kapagkuwa'y kinuha ang isang baso ng tubig at sumimsim doon.
Wala naman talagang sakit si Isabella. Wala lang siya sa sarili dahil hindi mawala-wala sa utak niya iyong nangyari noon nakaraang gabi. Isang araw na ang lumipas simula nang halikan siya ni Travis ngunit pakiramdam ni Isabella ay parang nakadikit pa rin ang mga labi ng lalaki sa kaniya. Halos hindi nakatulog si Isabella ng gabing iyon dahil sa kakaisip. Bakit nga ba siya hinalikan ni Travis? Hindi puwedeng wala itong rason. Hindi basta-b
