Danica
SA UNANG pagtapak pa lamang ng mga paa ko sa white aisle ay kaagad nang nangalaglag ang mga luha sa aking pisngi.
Nagmistulang bukal ang mga mata ko sa mga sandaling ito habang sinasalubong ang maiinit na mga mata ng mga taong sasaksi sa pinakamahalagang araw na ito sa buhay namin ng pinakamamahal kong lalaki.
Puno ng paghanga ang kanilang mga mata habang nakatitig sa akin. Pakiramdam ko naman ay isa akong reyna sa napakagarbong gown na suot ko ngayon. Kasing kinang ng kanilang mga mata ang bawat beads na palamuti nito. Bumagay ng husto sa napakagandang dekorasyon ng simbahan na ito, na napupuno ng mga puting bulaklak at mga ilaw.
Para akong nasa isang kaharian. Kaharian ng Diyos na siyang magiging saksi at gabay namin ngayong araw na ito. Mas mahaba pa yata sa buhok ni Rapunz
