Danica
NAGISING ako nang bigla na lamang may yumakap sa akin mula sa likuran ko. Kaagad kong nakilala ang presensya ni Dave at nalanghap ang bango niya. Siniko ko siya sa likod ko ngunit mas humigpit lamang ang pagkakayakap niya sa akin.
Malamang ginamit niya ang susi para makapasok dito at naroroon 'yon sa silid namin. Kasalukuyan na kami ngayong naririto ni Dasia sa carpet. Nagising siya kaninang hatinggabi para maglaro at sumuso, kaya napuyat ako at magmamadaling-araw na kami natulog.
Nakabalot lang ng kumot ang katawan ko. Wala akong anumang damit dahil naglinis ako kanina ng katawan ko at wala naman akong damit dito sa nursery room.
Tahimik pa ang paligid at mukhang madilim pa sa labas. Naramdaman ko na lamang ang paghalik-halik ni Dave sa batok ko at kinikilabutan ako!
"Hahamp
