Danica
NAGKATOTOO na nga ang pangamba ko sa naging desisyon ni Daemon na umamin sa napakalaki niyang kasalanan sa buong pamilya nila ni Mhina, lalong-lalo na sa asawa niya mismo at sa kanilang anak na si Micah. Bagaman, pareho lang naman silang nagtaguan ng kanilang mga anak.
Nakita namin ni Dave na isinugod sa hospital si Mhina matapos nitong mawalan ng malay. Naisipan naming tumambay ni Dave sa labas ng hotel kung saan sana idaraos ang birthday celebration ng kambal.
"Sinasabi ko na nga ba," ani ko habang pinagmamasdan ang mga nagkakagulong pamilya nila Mhina at Daemon na ngayo'y lumalabas na ng hotel. Kabilang ang mga Johnson.
At sa kauna-unahang pagkakataon ay nakita ko rin sa personal si Mr. Benjamin. Sakay ito ng wheelchair at may mga umaalalay lang sa kanya na mga bodyguard nil
