Danica
MULI AKONG bumalik sa funeral sa mga sumunod pa na araw. Ginagawa ko na lamang ito pagkatapos ng klase ko, para hindi rin ito maapektuhan. Nasabi ko na rin naman kila Tita Monalisa at Daemon na nag-aaral pa ako ngayon sa college.
Ayon din kay Daemon ay mukhang matatagalan pa ang libing ni Lolo. Hindi pa makapagdesisyon sa ngayon ng maayos si Tita Monalisa.
Ang sumunod pa na mga araw ay dumating naman ang family Delavega at nakiramay din. Nagtagpo din ang aming mga mata ni Sir David. Pinili ko na lamang yumuko sa harapan niya. Si Dave ngayon ay nasa trabaho pero apat ang bodyguard ko ngayon na kasama. Nasa paligid lang sila at mahigpit na nagbabantay sa akin.
Hindi na kasi siya mapalagay dahil sa Remy Cabrera na 'yon. Wala naman na dito ngayon ang pamilyang 'yon. Nagpaalam sila
