Danica
DALAWANG araw lang matapos ang Valentine's Day ay nagdesisyon na kami ni Dave na bumalik na ng Pilipinas.
"Welcome to the Philippines, baby Dasia!" masayang bati ko kay baby paglapag namin ng airport. Ako ngayon ang may buhat sa kanya sa suot kong baby carrier.
"Welcome home, baby!" bati din sa kanya ng Daddy namin. Siya naman ang nagtutulak ngayon ng anim na bagahe namin, habang sakay ng pushcart.
"Nandito na tayo sa country natin, Dasia!" turan din ni Lance sa kanya na nasa tabi ko. Hanggang balikat ko na ngayon ang taas niya. Sakbat naman niya sa likod niya ang diaper bag ni baby.
Ang baby naman namin ay gising na gising at lumilinga sa buong paligid. Parang may pagtataka sa kanyang mga mata sa nakikita niya sa buong paligid.
"Nasaan kaya tayo? Nasaan kaya tayo, baby? We'r
