Danica
NAGING MASAYA ang pagdiriwang namin ngayong paskong ito, kahit kami lang tatlo. Uminom si Dave kasama ang mga tauhan niya. Nag-videoke din kami dito sa sala. Hindi rin naman ako nagpapahuli sa pagkanta.
At mas lalo naman akong na-in love sa boyfriend ko nang siya na ang kumanta. Kinanta niya ang song na Chasing cars ng Snow Patrol. Habang pinagmamasdan ko siya ay tumatagos naman sa puso ko ang bawat lyrics na sinasambit niya.
Lumingon din siya sa akin at tumitig sa aking mga mata habang kinakanta niya ang chorus nito.
"If I lay here... If I just lay here ... Would you lie with me and just forget the world?"
Para bang pinatutungkol niya ito sa mga pinagdaanan niya noon. Ngunit ngayon ay naririto na ako at kasama niya. Maaari na kaming magsimula ng panibagong buhay at kalimutan
