BLAIR VIPER TORO
NANGHINA ang aking mga tuhod nang umugong sa mga tainga ko ang mga hiniyaw ni Tita Brenda.
Napa-luhod at napa-upo ako sa sahig habang walang humpay ang pag-iyak n'ya.
Nanginig ang mga labi ko, maging ang leeg ko. Nakaramdam ako ng matinding panghihina na parang hindi ko na maigalaw ang kahit isang daliri ko sa mga kamay. "T-Tita... A-Anong nangyari... B-Bakit ganito... Ba...Bakit ganito ang nangyari?" Wala akong mailuha sa matinding pagkagulat.
Hindi na rin halos makapagsalita ang tita ko. Binuhos n'ya ang lahat ng kan'yang emosyon. Doon ko pinilit na itayo ang sarili ko at inalalayan ko s'yang umupo sa kama. Nangangatog ang aking mga binti habang binabaybay ko ang daan papasok ng kusina. Kumuha ako ng isang baso ng tubig at pinainom ko iyon sa tita ko.
Umupo na r
