"Babe, dito muna ako sa bahay magwo-work. Kaya narito iyong mga tauhan ko para iayos iyong mga kailangan ko." Tinignan ko lang ang mga tao nito na bahagyang yumuko para magbigay galang. Saka ko sila nilampasan. "Pagpasensyahan n'yo na, mabait talaga ang asawa ko. May pinagdaraanan lang talaga." Dinig kong ani ni Timothy. Pumasok ako sa silid ni Reddy, saka naupo sa tabi ng crib. Napangiti ako nang makita ko itong gising na.
"Hello, 'nak! Gising ka na pala, gutom na ba ang prinsesa ko?" ang kaninang walang kabuhay-buhay na expression ko ay napalitan nang saya. Miss na miss ko ito, bakit ngayon ko lang s'ya ulit nakita? Nagtatago ba s'ya sa akin? Maingat akong yumuko upang buhatin s'ya, saka maingat na niyakap.
"Anak, bakit ngayon lang kita nakita? Miss na miss kita, alam mo ba iyon?" tu
