Pinaalis ko rin ang parents ko. Bakas na nga rin kanina ang inis ni Papa sa attitude ko, pero nanindigan ako na hindi ko sila kailangan. Kaya nang mabwisit si Mama sa attitude ko'y hinila na n'ya paalis si Papa. Si Meri, umalis na dahil nga may lakas s'ya. Pati na rin si Timothy na s'yang unang umalis.
Pagkatapos kong maghapunan ay nagpasya akong humiga na upang makapagpahinga. Nagsisimula na kasing lumakas ang ulan, hindi ko alam kung may bagyo ba, dahil hindi naman ako nanonood ng balita.
Hindi naman agad ako nakatulog, kaya nag-cellphone muna ako. Kakulitan ang matalik kong kaibigan na naghahanda para magpunta raw sa club at maghanap ng chicks na pwedeng mai-take home.
Mahilig naman s'yang tumikim ng babae, pero wala s'yang balak mag-settle down. Sadya sigurong hindi pa n'ya nakil
