Nakabuntot lang ang nilululanan kong sasakyan sa minamanehong sasakyan ni Timothy. Sakay no'n si Meridette at Timothy na patungo na sa hospital. Susundin ko ang gusto ng lalaki, hindi ako magpapakita sa asawa nito.
Nang makarating ay inabutan agad ako ng facemask at sumbrelo ng bantay ko na agad ko namang tinanggap. Pagkatapos kong isuot iyon ay bumaba na kami.
Inaasikaso na si Meri ng mga nurse. Panay naman ang sulyap ni Timothy sa akin. Gago rin, imbes mag-focus sa asawa ay palinga-linga pa talaga sa akin.
"Tim, tawagan mo ang kakambal ko."
"Bakit pa? Nandito naman ako, ah!"
"Basta, tawagan mo s'ya." Parang labag pa sa loob ng lalaki na gawin ang request ni Meri, pero kumilos na ito para tawagan ako gamit ang cellphone ng babae. Agad akong tumalikod palayo bago sinagot ang tawa
