Julia POV.
Ilang araw na ang nakaka-lipas ng huling dumalaw dito sa silid ko si Lander. Gusto ko sanang tanungin si Manang Rose kung may nangyari ba dito dahil lagi naman siyang dumadalaw sa akin noong mga nakaraan.
Tanging mga bulaklak mula sa kanila ni Xander ang araw-araw na natatanggap ko pero ilang araw ko na siyang hindi nakikita na dumadalaw sa akin.
Gusto ko sanang puntahan si Xander sa silid kung saan ito naka-confine para kumustahin ito pero nahihiya naman ako. Sa totoo lang ay ayos na ako at alam ko na kaya ko ng lumabas dito sa ospital pero dahil hindi ko makausap si Lander ay wala akong magawa kun'di ang maghintay.
Hindi ko rin kasi alam kung paano babayaran ang hospital bills ko dahil kahit ibenta ko ang sarili ko ay alam ko na kulang na kulang pa para bayaran ang bayarin
