Pinilit nilang mag-asawa na maging normal sa sumunod na araw, isang linggong paghihintay muli ang kanilang gagawin. Medyo nababahala na rin si Liam sa asawa dahil nagiging tahimik itong nakaraang araw at dadaigin pa yata si Aling Minda sa pagiging panata nitong magdebosyo sa Puong Nazareno.
"Honey, ayos ka lang ba?" nababahalang untag ni Liam sa asawang si Gail, isang gabi bago sila matulog.
"Oo naman, honeypie, bakit?" maang namang turan ni Gail sa palagiang tanong ng asawa.
"Wala lang, lately kasi ay napapansin kong masyado kang tahimik at lagi mong hawak ang rosaryo mo," aniya sa asawa.
Napangiti si Gail sa sinabi ng asawa, kaya maingat na ibinaba sa side table ang hawak na rosaryo at hinarap ito.
"Nagdarasal lang ako, honeypie, para sa kaligtasan nating lahat at sa baby natin," a
