Muling dinamba ng pangamba ang mga nasa mansiyon ng mga Herbosa nang isang hapon na umuwi ang don na tila ba nakikipagkarera sila sa daan.
"Ano'ng nangyayari?" mabilis na tanong ni Liam sa kanyang lolo pagbaba nito ng sasakyan. Sa huni pa lang at lagitlit ng gulong ng sasakyan nito ay tila may humahabol dito.
"May nagtangkang harangan kami," sagot ng bodyguards ng lolo niya. "Mabuti na lamang at mabilis kaming nakaiwas," dagdag pa nito.
"Oh my God, honeybunch, are you okay?" alalang-alalang tanong ni Aling Minda sa don.
Tahimik ang don at tila sa mood na makipag-usap muna. "I'm good, I need to rest," tipid na turan saka mabilis na umiwas sa lahat upang tunguhin ang kanyang silid.
Natakot man siya sa nangyari pero mas lalong umuukilkil sa isipan ang sinabi ng imbestigador niya tungkol
