Minabuti na muna nilang gawin ang ilang personal na gawain ang lahat habang hinihintay nila kung uuwi bang ligtas ang don at habang kumakalap na rin ng impormasyon ang tauhan ng heneral na kumpare ni Don Melincio.
Mahigpit na binilinan nina Don Vicente at Don Melincio na huwag na huwag palalabasin ng bahay si Liam dahil mahirap na raw baka mawala rin ito gaya ng lolo niya.
Matapos magsiuwian ang lahat ay hindi pa rin maiwan-iwan ni Gail ang asawa dahil sa pangambang umalis itong mag-isa na hindi niya alam. Mainam na napigilan niya ang anumang balakin nito baka mamaya ay mabalo pa siya ng wala sa oras o malala pa ay lumaki ang anak na walang ama.
"Hon, magpahinga ka muna," tila utos ni Liam sa kanya. "Alam kong hindi ka masyadong nakatulog kagabi," dagdag pa ni Liam.
"Ikaw ang magpahing
