Hindi na alam nina Liam kung saan pa hahanapin ang kanyang lolo kaya minabuti na lang na bumalik sa mansiyon at hintayin na bumalik ang don, ayon na rin sa payo ng kasama nilang pulis. Baka masyado lang silang nag-iisip at uuwi ring ligtas ang don.
Pagkauwi ay naroroon pa rin ang lahat sa sala at naghihintay sa kanila. Mabilis na yumakap ang asawang si Gail sa kanya kasunod nang pag-uusisa nito tungkol sa kanilang lakad.
"Ano, nasaan si lolo? Naroroon ba siya? Ano'ng nangyari?" sunod-sunod na tanong ni Gail sa kanya.
Isang matipid na iling lamang ang itinugod ni Liam sa asawa, naramdaman niya ang pagtapik nito sa balikat niya matapos itong kumalas.
"Hintayin natin siya, baka uuwi rin mamaya," saad ni Gail sa asawa.
"Oo, iyon din ang payo ni Sarge kanina kaya minabuti naming bumalik na
