Napamaang si Liam nang marinig ang binasa ng asawang si Gail, batid na niya kung sino ang tinutukoy ng kanyang lolo na haharapin niya. Hinuha niya sa isip na baka pupuntahan ang lalaki o kaya makikipagkita rito.
May umahong kaba sa dibdib sa nais gawin ng kanyang lolo kaya susundan ito.
"Honeypie, saan ka pupunta," mabilis na awat ni Gail nang makitang tila susugod ito kung saan.
Napahinto si Liam at tumingin sa asawa. "Alam kong pupuntahan ni lolo ang Daniel na iyon, hon, baka mapaano siya," giit ni Liam saka muling lalabas ng mansiyon.
"Hijo, huwag kang magpadalus-dalus," awat naman ni Manang Lourdes na puno ng pangamba sa boses nito.
"Tama si Manang Lourdes, bro, hindi makakabuti sa atin na magpadalus-dalus. Bakit hindi tayo dumulog sa pulisya," mabilis na mungkahi ni Chris. Maging
