Pagkalabas ni Liam sa banyo ay nagtungo na siya sa kama upang doon ay hintayin ang asawa. Ngunit lumipas na ang limang minuto ay hindi pa rin ito nalabas, marahil ay tama ang hinalang tumatae nga ito. Naiiling na lamang siya at hindi tuloy niya maiwasang mapapikit dahil sa pagod sa maghapon dahil sa kasal nila at sa pag-e-estima ng kanilang mga bisita.
Napahikab pa siya saka muling nilingon ang pinto ng banyo ngunit wala yatang pag-asang iluwa pa roon ang asawa. Hindi na niya napigilang ipikit ng tuluyan ang kanyang mga mata.
Abala naman si Gail sa loob ng banyo dahil nagpasya siyang maghugas ulit ng katawan matapos siyang magbawas, gusto niyang mabangong-mabango siya kapag kasama na ang asawa. Mahirap na baka turn off sa kanya ang asawa lalo pa at unang beses nilang matutulog sa iisang
