Kinabukasan ay tanghali na nang magising si Gail, kung hindi pa masakit ang tama ng araw na pumapasok sa kanilang bintana ay hindi pa siya magigising. Agad na kinapa ang kanyang asawa sa tabi at napangiti ng makapa ang hita nito.
Naalala niya ang mainit na tagpo sa kanila kagabi, bahagyang kumikirot ang nasa pagitan ng hita kaya mas itinaas pa ang pagkapa sa asawa ngunit laking gulat niya nang makapang tila may suot na ito. Alam niyang natulog silang kapwa hubo't hubad kaya naisip na marahil ay gising na ito. Napayakap siya rito at akmang hahalikan nang bigla siyang tampalin nito dahilan upang magising.
Nanlaki ang mga mata nang makita roon ang kaibigan si Dinky imbes na ang asawa. Mabilis siyang napabitaw sa pagkakayakap sa kaibigan.
"Ano'ng ginagawa mo rito?" palatak na bulalas dito.
