Habang pauwi ng bahay, may nadaanan siyang flower shop. Napahinto siya sa pagmamaneho at sinulyapan ang shop.
Alam niyang marami na siyang niregalo kay Ellise—mamahaling alahas, branded watches, branded clothes at shoes. Pero ni minsan hindi pa niya ito binigyan ng bouquet ng bulaklak. Kung sa bagay, wala pa naman siyang nabigyan ng bulaklak sa buong buhay niya, maliban sa Mama niya. Hindi rin si Sabrina, kahit sila ang unang naging relasyon niya. Flowers at chocolate kasi hindi talaga bagay sa kanya.
Muling pinaandar niya ang kotse. Wala naman talagang dahilan para bilhan niya ng bulaklak ang asawa. Pero bumabagabag sa kanya ang malungkot na boses ni Ellise kanina. Narinig niya kung paano nito sinabi na miss siya. Hindi lang niya alam kung ano ang tamang isagot, kaya minabuti niyang h
