“Ano 'yan?” tanong niya sa asawa nang pumasok ito sa silid nila, may bitbit na vase na may mga tulips na binigay niya rito. Kaya pala ang tagal nitong sumunod sa kanya sa kwarto.
“Sayang kasi sila kaya nilagay ko sa vase,” nakangiting sagot nito.
Ngayon lang niya nakitang ganito ka-excited at tuwang-tuwa ang asawa sa regalo niya.
“Saan mo naman ilalagay 'yan?” tanong niya.
“Dito, para pag gising ko, sila agad ang makikita ko,” sagot nito habang inilalagay ang vase sa side table. “Perfect!” tuwang-tuwa nitong sabi, sabay palakpak.
“Halika nga rito,” sabi niya at hinila ito sa bewang. Kanina pa niya ito namimiss. Kung pwede lang na hindi na siya pumasok sa opisina at magpakasawa muna rito, gagawin niya. Kung pwede rin na minu-minuto itong kasama niya, gagawin niya. Ayaw niyang mawa
