Tahimik silang kumakain. Wala namang kumikibo sa kanila, maliban sa paminsan-minsang pagtatanong ni Gab kay Gavin. Pakiramdam niya tuloy, hindi siya makahinga.
Ilang beses na rin niyang sinulyapan ang ama ni Gavin. Nasa mukha nito ang pagkadismaya sa kanya. Marahil dahil hindi siya anak ng isang businessman. Marahil dahil hindi siya nabibilang sa mundo ng pagnenegosyo, kaya ni hindi siya nito masulyapan. Naiilang tuloy siya at hindi malasaan ang pagkain.
Ang Mama ni Gavin ay mukhang mabait at tila gusto naman siyang makilala.
“Do you like the food, Ellise?” tanong ng Mama ni Gavin.
Ngumiti siya at tumango. “Masarap po,” agad niyang sagot.
“Ma, Ellise knows how to cook,” may pagmamalaking sabi ni Gavin.
“Really? That’s great. Mapapanatag na ako na kumakain ng masarap na luto mo,
