Pag-akyat nila sa rooftop ng hotel, isang helicopter ang naghihintay sa kanila roon. Napa-wow pa siya—first time niyang makakasakay sa isang mamahaling helicopter.
Alam niyang hindi simpleng businessman lang si Gavin. Kung pagbabasehan ang pagkakaroon nito ng sariling helicopter at ang paggastos ng milyon para lang sa isang virgin na babae na katulad niya, kahibangan na. Tila walang magawa sa pera ang ginawa ni Gavin. Baka sobra-sobra na talaga ang pera nito at hindi na alam kung saan ilalagay.
“Let’s go,” bulong nito dahil sa lakas ng hangin at ingay sa paligid.
Tumango siya habang hawak-hawak ang buhok na nililipad ng hangin.
Pagpasok nila sa helicopter, nag-salute pa ang piloto kay Gavin. Medyo nakaramdam siya ng hiya. Bigla niyang naisip: may idea kaya ang piloto kung sino siya?
