Pinapasok siya ni Gavin sa pangalawang pinto sa ikalawang palapag ng malaking bahay.
Namangha na naman siya sa ganda ng silid at kumpleto ito sa modernong kagamitan. May malaking kama sa gitna, side table, malaking TV sa may malapit sa pinto ng terrace, at may malaking sofa din sa tapat non.
“Wow,” anas niya at binitawan ang maleta sa sahig. Kaagad siyang tumakbo sa may sliding door at binuksan iyon. Sumalubong sa kanya ang malakas na hangin at malamig na klima.
Agad siyang sumilip sa labas. Namamangha siya dahil mula sa kinatatayuan niya, natatanaw niya ang malawak na karagatan ng isla.
“This is heaven,” usal niya at tumingala sa langit. Kitang kita niya ang nagkikislapang mga bituin. Muling tumingin siya sa ibabang bahagi ng terrace. Damo at mga puno’t halaman ang naaaninag n
