Part 21: Testimonya ng Katotohanan
IBARRA POV
"Anong nangyari?" tanong ni Leo noong dumating ito sa tahanan ni Lolo Isko. Agad ko naman siyang sinalubong, "Leo, si Boss Lu, siya yung lalaki duguan sa ilog," ang tugon ko.
"Bakit? Paano nangyari iyon? Sila Devon? Nasaan ang mga kasamahan niya?" ang tanong nito sabay lakad sa higaan ni Boss Lu na noon ay ginagamot ni lolo Isko.
"Wala e, wala kaming nakitang kasamahan niya sa ilog, pero naghahanap pa rin sina Chani at iba sa ibang parte ng bundok baka may naligaw doon," ang tugon ko.
Tiningnan ni Leo ang duguan at maraming pinsalang katawan ni Lu, "Lolo Isko kailangan niyo ba ng tulong?" tanong nito.
"Aba e syempre naman. Kailangan mapabilis ang pahilom ang pinakadelikadong sugat niya. Eto isang malalim na kalmot sa gawing puso. Ito ang
