"Ano?! Are you out of your mind?!" Hindi naman galit ang boses ni Sean, nagulat lang.
Ngumiti si Crisma, pilit na ngiti, kasi nakaramdam din siya ng hiya sa binata. Ano ba kasi 'tong naisip niya?! Nakakahiya.
"Ahmm.. ano kasi! Ahmmm.." Hindi niya alam kung pa'no magpapaliwanag. Panay ang tingin niya sa table nina Shaine. Pasalamat niya at 'di pa siya nakikilala ng mga ito. At buti na lang nakatalikod sa gawi niya si Erik.
"Mga kaibigan mo sila?" Mahinahong boses pa rin ni Sean sa kabila ng sinabi niyang pwede ba niya itong maging boyfriend kahit ngayong araw lang.
Kiming tumango siya.
"At boyfriend mo 'yung lalaki?" Nginuso ni Sean ang lalaking nakatalikod sa kanila.
"Hindi, ah!" mabilis niyang sagot.
"Eh, bakit mo siya gustong pagselosen sa pamamagitan ko?" Natumbok ni Sean ang gus
