"Gwapo ng boyfriend mo, ah?!" wika ni Shaine habang paupo sila. Hinayaan na lang nila si Erik at Sean sa restroom. Tiwala naman si Crisma na hindi siya ibubuking ni Sean. Baka nga sa ngayon eh, nagtatalo na ang dalawa roon, at sigurado walang wala ngayon si Erik kay Sean.
"Totoo bang boyfriend mo siya, Crisma?" nang-uusig ang mga mata namang tanong ni Crisanta. Mas ito ang hindi kumbinsido.
"Oo nga? Kasi parang hindi naman?! 'Yung mga tingin mo kasi kay Erik pa rin eh, gano'n pa rin tulad ng dati," segunda ni Shaine.
"Ssshhhh. Ano ba kayo? Baka may makarinig sa inyo," asik niya sa dalawang kaibigan na natatawa. Walang namang masama kung sasabihin niya ang totoo sa mga ito dahil ngayon lang naman niya gagamitin si Sean para pagselosin si Erik.
"Kung gano'n, hindi nga?!" shocked na bigka
