KUNG puwede lang ay hilingin ni Rhomz na huwag nang bumalik sa academy. Nag-e-enjoy na siya sa pananatili niya sa lupain ng mga Davis. Parang dinala siya ni Nathan sa sarili nitong paraiso. At least kahit sandali ay naranasan niyang manatili sa normal na lugar. Hindi katulad sa academy na lahat ng galaw niya ay nakaayon sa batas at high-tech lahat. Na-miss niya ang dati niyang buhay.
Pangalawang araw niya sa lupain ng mga Davis ay tila ba may isang taon na siya roon. Ang dami kasing nangyayari sa loob ng isang araw. Noong isang araw ay sa fish fond sila nanghuli ng isda. Ngayon naman ay dinala siya ni Nathan sa dagat na walking distance lang mula sa lupain ng mga ito. May sarili itong bangka na di-sagwan. Nakarating na sila sa malalim na bahagi ng karagatan. Doon na nila inihulog ang kani
