ANG akala ni Rhomz ay magdi-dinner sila kasama ang pamilya ni Nathan. Nagulat siya nang nagpaalam si Nathan sa ina nito pagkatapos ay nagtungo sila sa villa. Namangha siya. Mukhang native material ang ginamit sa villa pero design lang pala iyon. Nabuhay lang ang design dahil sa pintura pero gawa pala ito sa bato. Sinadyang hinulma na parang kahoy ang mga poste at ganoon din ang dingding.
Hindi siya nag-ayos dahil akala niya simpleng dinner lang iyon. Nagsuot lang siya ng puting blouse at skinny black jeans. Pero pagdating nila sa dinning room ng villa ay namangha siya. Naka-set up ang round table with red table cloth and seat cover. May malaking pulang kandila na nakatulos sa gitna ng mesa na napagitnaan ng isang bote ng red wine at vase na may nakatulos na punpon ng sariwang pulang rosas
