Yanis calling...
Malamang si Yoseph ‘to! Grabe! Ginagamit pa niya ‘yung phone ng bata!
Pinatay ko ang tawag.
"Oh? Bakit mo pinatay?" takang tanong ni Xenia.
"Hmp! Malamang si Yoseph lang ‘yan! Para-paraan din ‘yun, eh!" inis kong sabi.
Kanino ba ako naiinis talaga? Kay Yoseph o sa sarili ko? Kasi, hindi ako marunong sumugal para sa kanila.
Kahit naman noon pa, hindi mo sinugalan si Yoseph, di ba? Kahit na alam mong mas may nararamdaman ka kaysa Yoseph.
Yanis calling...
"Oh ayan. Tumawag uli. Baka naman importante ‘yan," sabi uli ni Xenia.
Nagtatalo ang isip na pinatay ko uli ang tawag.
"Bakit di mo muna tingnan kung sino talaga ang tumatawag? Baka mamaya si Yanis naman talaga ‘yan. Baka mamaya, nawawala na naman iyung bata. Katulad nung una mo siyang nakita. O kaya mas malala...
