"Kumusta ang review, girl?"
"Ano pa ba? Eh, di dumudugo na ang brain cells ko!" sagot ko kay Peachy, na sinagot naman nito ng tawa.
Nasa kainan kami sa tapat ng review center. Pinuntahan nila ako ni Myles. Holiday kasi ngayon, kaya wala silang pasok sa opisinang pinapasukan nila as part time.
Mabuti na lang, kagabi pa lang ay sinabi na nila sa akin ang balak nila kaya naabisuhan ko si Randell, na araw-araw naghahatid at sumusundo sa akin, na huwag na muna akong sunduin ngayon.
"Trulalu ka diyan, girl!" si Peachy uli.
"Buti ka pa nga, review lang talaga! Eh, kami nitong babaeng ‘to? Need pa kumayod ng limang araw, tapos dalawang araw na review. Biro mo yun?" sabat ni Myles.
"’Yun lang... kaya nga dapat, one take lang ako sa board, para matapos na si Tita Lily
