"O, Theresa? Seven na. Bakit hindi ka pa nagsasara? Wala naman nang customer," bati ko kaagad kay Theresa pagkapasok ko sa shop.
Kasama ko kasi si Benjie. Namili kami ng mga pang-stock na sabon, fabric softener, at mga plastic packaging.
Seven-thirty ang regular na pagsasara ng shop, pero kapag wala na kasing customer, pwede nang magsara ng alas-siyete ng gabi. Alas diyes naman sa umaga bukas na kami. Kapag sinisipag ako, nagbubukas na ako ng mga alas-nuwebe ng umaga.
Kumuha na rin kasi ako ng isang unit sa condotel. Iyong kuwarto ko kasi sa bahay ay pinagamit ko na muna dun sa caregiver ni Nanay, na si Ate Linda. Kinailangan ko rin naman kasing umalis sa bahay noon.
"Eh, Mam… ‘yung isang customer, babalikan daw niya iyong pinalabhang comforter niya. Ayun mam. Ibinaba ko na nga eh, pa
