Kinahapunan, nagmamadali akong umuwi galing trabaho, para matawagan ko si Nanay.
[“Se-rene!!! (Xyrene)”] nakatawang bungad nito sa akin.
“Hi, Nanay! Kumusta ka na? Ang aga mong nagising, ah.”
[“Oo. Kasi may bisita kami. Dumating dito.”] sagot nito, kaya ipinatong ko muna iyung bag ko sa mesa at saka napatingin ako sa screen ng Ipad ko.
“Talaga? Ang aga naman yata ng bisita mo?”
Alam ko namang si Yanis ang tinutukoy ni Nanay, pero sinakyan ko na lang din ito na kunwaring hindi ko alam.
[“Oo. Aga sila.”] nakangiti pa ring sagot nito.
“Sila?” pagkumpirma ko, habang nakakunot ang noo ko.
[“Mommy!!!”]
Biglang sumulpot si Yanis sa tabi ni Nanay. Malapad akong napangiti.
“Anak? Ang aga mo naman yata?”
Alas-siyete pa lang kasi ng umaga doon.
[“Opo, Mommy. Wala naman po kasing pasok
