Napadilat ako. Kanina pa ako may naririnig na tugtog.
“Unghhh! Istorbo naman…”
Inaantok na bumaba ako ng kama at saka lumabas sa pintuan. Humantong ako sa isang terrace na ang daming nakahilerang cactus na ibat-ibang klase at ibat-ibang itsura sa marmol na patungan.
Napakunot-noo ako. Hindi ko yata maalalang may terrace ‘yung unit ko?
Nawala ang atensiyon ko sa terrace nang marinig ko na naman iyung tugtog. Malakas ang tunog dito, so malamang dito nanggagaling ‘yon.
Sinuyod ko ng tingin iyong buong terrace, kaya nakita ko sa dulo ang isang lumang transistor radio. Nilapitan ko ‘yun, at saka hinanap ang power para i-off ito. Napangiti ako. Sa wakas! Makakabalik na uli ako sa pagtulog.
Pero bago ko maisara ang pintuan galing ng terrace ay may narinig uli akong kaparehong tugtog. Nagpa
