[Chance's POV]
BIGO akong umuwi sa bahay at bagsak ang mga balikat. Nabasted ako ng kaisa-isang babaeng napamahal sa akin ng sobra kahit sa sandaling panahon palang na nagkakasama kami.
May gusto siyang iba... Hindi niya 'ko minahal...
"Hi, Chance!" magiliw na bati sa akin ni mommy nang masalubong ako sa living room ng bahay.
Tipid na ngumiti ako at marahang niyakap at hinalikan siya.
"Good night, ma."
"What's wrong? Ba't parang ang tamlay mo?" nag-aalala niyang usisa.
Umiling ako. "Wala po."
"Sigurado ka?" hindi siya kumbinsido.
Tumango ako. "Opo. Matutulog na po ako, ma. Good night po."
"Sige. Good night, anak."
Nagtuloy-tuloy ako sa pag-akyat hanggang sa kwarto ko. Naupo ako sa kama at naihilamos ang mga kamay sa mukha.
Hindi ako minahal ni Natasya... May iba siyang gusto...
