NAWALA ang antok ni Angelica nang mabasa ang mensahe sa kaniya ni Dave. Hinanap niya si Wallace pero wala ito sa bahay. Mahina ang signal sa loob ng kuwarto kaya lumabas siya. Nakarating na siya sa dagat at doon tinawagan si Dave habang naglalakad sa pampang.
“Dave, ano’ng nangyari?” tanong niya sa katrabaho.
“Ma’am, may nauna pong grupo sa location ng target,” batid ni Dave.
“Paanong nauna? You mean, mga pulis din?”
“We’re not sure, ma’am. Sabi ng Subic Bay police department, nadatnan nila ang location ng target na magulo at maraming patay. At hindi pa nila natukoy kung anong grupo ang sumalakay sa area ng target.”
“Eh, ang target? Nasaan na?”
“Hindi po nakita ng team, wala siya sa mga bangkay.”
“You mean, nakatakas siya?”
“Hindi po sigurado, ma’am. Maaring nakatakas, pero puwede
