NAGBAON ng katawan sa buhangin si Angelica habang pinapanood ang palubog na araw. Tinambakan siya ni Wallace ng buhangin hanggang leeg. Natapos na nito ang sand castle at may picture sila rito, charge for a good memories. Naligo na rin sa dagat si Wallace at sinamahan ang mga kaibigan.
Inabot na sila ng dilim sa dalampasigan at nagyaya si Wallace na sa yate sila maghahapunan. Marami pa naman silang tirang ulam ng tanghali at nagluto na lang ng sinabawang isda si Vladimir. Marami itong huling isda dahil halos kalahating araw namingwit. Kakaiba talaga ang trip ng isang ito, pang old school pero cool.
Nakabukod ang lamesa nilang mag-asawa sa dalawang binata. May sariling business ang mga ito. At habang kumakain ay bukam-bibig na ni Wallace ang challenge. At gusto nito ay doon sila matulog s
