PARANG walang nangyaring panganib sa buhay ni Angelica at ang saya niyang nag-asikaso ng mga bulaklak. Kailangan niyang aliwin ang sarili upang hindi siya lamunin ng trauma. Inilipat na niya sa green house ang mga rosas na dala ni Wallace. Pinuntahan na siya roon ng kaniyang asawa.
“Honey, mamaya na ‘yan. Mag-dinner muna tayo,” sabi nito.
“Puwede bang dito na tayo mag-dinner sa labas?” aniya.
“Okay. Dadalhin ko ang pagkain dito.” Umalis din ito kaagad.
Napasunod siya ng tingin kay Wallace. Seryoso pa rin ito, maging ang tono ng pananalita ay nababakas ang lungkot. She didn’t think it’s about her. O baka naman may problema ito sa business sa Italy. Pero kahit naman problemado ito, hindi nagpapakita ng lungkot ang kaniyang asawa.
Naunang lumabas si Maya dala ang rice cooker, kasama pa t
