HINIHINTAY ni Angelica ang hatol ni Wallace sa niluto niyang adobong manok. Kasabay nilang naghapunan si Vladimir na tila hindi nagustuhan ang luto niya. Nag-ulam ito ng kape, inihalo sa kanin. Nagprito naman siya ng hotdog pero ayaw rin nito.
“Masararap ba?” hindi natiis na tanong niya sa asawa.
“Hm, masarap naman. Siguro gutom lang ako kaya hindi ko na alam kung ano ba itong ulam,” ani Wallace.
Tumalim ang titig niya rito at hinampas ito ng kutsara sa kamay.
“Aray!” daing nito, kinamot ang nasaktang kamay.
“Kung hindi masarap ang ulam, huwag kang kumain! Mag-ulam ka rin ng kape!” singhal niya sa asawa.
Tumawa pa ito. “Honey, kalma ka lang naman. Masyado kang pikunin.”
“Paanong hindi ako mapipikon, kung makapanlait ka wagas!”
“Hindi naman panlalait ang sinabi ko, ah.”
“Tse! Hind
