BINALIKAN na lamang ni Wallace si Maya bago pa ito mainip. Aalis na sana ito pero napigil niya sa kanang braso.
“Sandali lang!” aniya.
Pumiglas pa ito pero hinarap naman siya. “Sino ‘yong babae? Jowa mo?” usisa nito.
“Anong jowa?”
“Girlfriend.”
“No. Asawa ko ‘yon.”
Nanlaki ang mga mata ni Maya. “As in? Huwag kang magbiro.”
“Hindi ako nagbibiro. Bagong kasal lang kami.”
Biglang humagalpak ng tawa si Maya. “Uy! Sinong mag-aakala na ikakasal pa ang isang certified womanizer? Seryoso ka na ba sa kala na ‘yan? O baka hindi alam ng asawa mo, may isang daan kang kabit.”
Napailing siya. “Graduate na ako sa pambabae, Maya.”
“Eh, graduate ka na rin ba sa pagiging mafia?”
“Shh…. huwag kang maingay.” Hinila niya palayo sa mga tao si Maya. Ang lakas pa naman ng boses nito.
“Ano ba kasi ang
