NAPAKO ang mga paa ni Wallace sa sahig nang marinig ang pamilyar na boses ng babae. Napalingon siya sa pintuan, at ilang sandaling tulala, titig na titig sa babaeng malaki ang tiyan.
“A-Angel?” gumaralgal ang tinig na sambit niya. He can’t help but convinced himself that he’s not hallucinating.
Kung hindi pa lumapit sa kaniya si Angelica ay hindi niya makukumbinsi ang sarili na tama ang nakikita niya. Ginupo na siya ng hindi mawaring emosyon at naudyok ang luha sa pagpatak.
Nang yumakap sa kaniya si Angelica ay saka lang siya kumulos at inilingkis sa katawan nito ang mga braso. Humagulgol na ito.
“I’m sorry, hindi na kita nabisita,” humihikbing usal nito.
“It’s okay, honey. Naintindihan kita. Kailangan mong unahin ang anak natin,” aniya. Nanginig ang mga kamay niya dahil sa tindi ng e
