SINADYA ni Wallace magpagabi ng uwi para hindi maabutang gising ang kaniyang asawa. Alas nuwebe na ng gabi at madilim sa bahay pero naroon na ang kotse ni Angelica. Ang nakapagtataka ay wala siyang makitang bodyguard. Wala rin ang dalawang pulis.
Pagpasok niya ng bahay ay madilim. Kinapa niya ang switch ng ilaw sa gilid ng pintuan. Nang lumiwanag ay biglang may kung anong dumaan sa gilid ng ulo niya. Napatitig siya sa dingding na may bumaon na bala ng baril.
“P*tang*na!” Malutong siyang napamura nang matanto na binabaril siya ng kaniyang asawa.
May kasunod pa ang bala kaya napayuko siya at gumapang patungo sa likod ng couch. Walang tunog ang baril ni Angelica, malamang ay sinalpakan nito ng silencer sa dulo.
“Hoy! Ano ba ang ginagawa mo, Angel! Gusto mo ba akong patayin, ha?” pasigaw n
