Napakagaan ng gising ko kinabukasan. Alas seis iyon ng umaga nang magpasya akong tumayo mula sa kama at maligo na. Habang nasa tapat nga ng shower ay napapangiti ako kapag naalala ko iyong nangyari kagabi.
Kung paano ako kinantahan ni Havoc hanggang sa makatulog ako. Kaya siguro magaan din ang pakiramdam ko pagkagising ko. Idagdag pa ang ideya na sabado ngayon at walang trabaho.
Pagkatapos kong maligo at magbihis ay hindi naman ako nagdalawang isip na bumaba na. Nagulat pa ako nang makita sina Havoc at Aya na nasa hapag, nakaupo kasama si Tito Ric habang si Tita naman ay nagluluto ng agahan.
“Good morning, Teacher!” malakas at masayag bati ni Aya na ngayon ay nakakalong kay Havoc, mabilis pa siyang bumaba para salubungin ako ng yakap.
“Good morning, baby,” kahit nalilito kung ano ang g
