Napamangha ako nang makitang ipinasok ni Havoc ang sasakyan sa isang resort. Sa taas ng malaking gate ay may nakasulat na Lake House, tapos ay merong parang gusali sa loob.
Sa harap ng lugar ay may tatlong malalaking swimming pool, tapos ay may playground din at marami akong nakitang mga batang naglalaro.
Sa pinakagilid naman, iyong kanang bahagi ng kabuuan ng lugar ay may nakita akong lawa at marami rin akong nakitang mga tao na nangingisda, ang iba ay mga turista na mula pa sa ibang bansa.
“Havoc, nasaan tayo?” mababa ang boses na tanong ko kahit na nabasa ko na nasa Lake House kami.
Nakatulog kasi ako sa biyahe at hindi ko namalayan, kung hindi ko nga nakitang alas onse na ng tanghali ay hindi ko alam na halos apat na oras akong tulog. Hindi rin kasi pamilyar ang lugar sa akin, ito
