Kinabukasan ay maaga akong nagising. Nakita ko si Havoc na mahimbing pang natutulog sa tabi ko. Mabilis ko siyang hinalikan sa labi at napansin kong napangiti siya dahil doon. Marahan niyang iminulat ang mga mata niya at hinila ako palapit sa kanya para yakapin kaya napahiga ulit ako sa dibdib niya.
“Good morning, baby,” inaantok pa na bati niya kaya ngumiti ako.
“Good morning din. Matulog ka ulit kung inaantok ka pa, maghihilamos na ako,” sagot ko naman.
Marahan siyang tumango sa sinabi ko at muli niyang ipinikit ang kanyang mga mata. Ako naman ay tumayo na at nagpasyang pumunta na sa loob ng banyo para makaligo.
Pagkapasok ko sa loob ay agad akong naghubad at itinapat ko ang sarili ko shwer bago iyon binuksan. Medyo napangiwi pa ako kasi sobrang lamig ng tubig. Hindi na masyadong mas
