TATLONG ARAW na ang nakalipas, ayon ang nadinig ni Cythe sa lapastangang lalaki na iyon. Para sa taong may hinahabol na deadline, masyadong mahaba ang nasayang na tatlong araw.
At isa pa, hindi pa rin mawaglit sa kaniyang isipan ang panghahalik ni Liyan sa kaniya. Sa tuwing naiisip niya 'yon, pakiramdam niya ay nasa loob siya ng aktibong bulkan. Kumukulo ang kaniyang dugo. At gusto niyang sumabog sa galit at sama ng loob. Ang paglapat ng kanilang mga labi ang siyang patunay na isa lamang siyang alipin sa palasyo ni Liyan.
Tatlong araw na siyang nakakulong sa palasyong ito. Ibig sa sabihin, tatlong araw din na wala siyang balita kung napaano na ba si Jether.
Ang oras ay mabilis na tumatakbo at hindi niya alam kung paano niya hahabulin iyon, bago tuluyang angkinin ng sumpa ang buong pag
